Үйлчилгээний нөхцөл
Сүүлд шинэчилсэн: 2026 оны 11 сарын 9
Tseejzurag.com (цаашид «Сайт»)-ыг ашигласнаар та доорх нөхцөлийг зөвшөөрсөнд тооцно.
1. Үйлчилгээ
Таны оруулсан зургийг паспорт, виз, ID-ийн стандарт хэмжээнд тааруулж, фонг цагаан болгоно. Нүүр илрүүлэх, тайрах, гэрэл тохируулах ажил таны утсан дээр хийгдэнэ. Зөвхөн фон арилгахад зураг гуравдагч талын үйлчилгээ (FAPIhub) рүү дамжина. 18-аас доош хүүхдийн зургийг эцэг эх, асран хамгаалагч оруулна.
2. Албан ёсны баталгаа биш
Бид зургийг стандартын хэмжээнд автоматаар тааруулдаг. Энэ нь албан ёсны биометрийн баталгаа биш. Зургийг хүлээн авах эсэхийг Улсын бүртгэл, элчин сайдын яам, виз төв өөрсдөө шийднэ. Эцсийн зургаа тэдний хамгийн сүүлийн шаардлагатай өөрөө тулгана уу. Зарим улс (жишээ нь АНУ) дижитал засвар, дэвсгэр солисон зургийг хязгаарладаг. Автомат шалгалтын сануулга алдаатай байж болно.
3. Үнэ
- Тамгатай урьдчилан харах: үнэгүй.
- Тамгагүй бүтэн файл: 9,900₮ буюу түүнээс дээш дүн (доод үнэ).
- Үнэ өөрчлөгдөж болох ч өмнө үүссэн захиалгад нөлөөлөхгүй.
4. Төлбөр
- Банкны шилжүүлгээр. Гүйлгээний утганд захиалгын 3 оронтой кодыг бичнэ. Код буруу, үнээс бага дүнтэй бол автоматаар баталгаажихгүй.
- Банкны мэдэгдэл ирмэгц систем автоматаар таарууна.
- Код 30 минут харагдах ч төлбөрийг 24 цаг хүртэл хүлээн авна.
- Автоматаар таараагүй бол Messenger-ээр код, баримтаа илгээвэл бид гараар баталгаажуулна.
- Банкны шимтгэлийг та хариуцна. Бид карт, нууц үг цуглуулахгүй.
5. Буцаан олголт
- Татсан цахим файлыг ерөнхийдөө буцаахгүй (төлөхөөсөө өмнө үр дүнгээ үнэгүй харсан тул).
- Урьдчилан харж, үр дүнтэй танилцсаны эцэст өөрийн хүслээр төлбөр төлсөн бол санаа өөрчилсөн, таалагдаагүй гэсэн шалтгаар төлбөрийг буцаахгүй.
- Дараах үед буцаана эсвэл дахин хийж өгнө: бидний техникийн алдаанаас файл татаж чадаагүй, давхар төлбөр хийгдсэн.
- Буцаахгүй: албан байгууллага татгалзсан, стандартыг буруу сонгосон, эх зураг муу байсан.
- Төлснөөс хойш 7 хоногт Messenger-ээр захиалгын код, баримтаа илгээнэ. Хүсэлтийг Даваа–Баасан 10:00–18:00 цагт хүлээн авна.
- Буцаан олголтыг зөвшөөрсөн бол 1–2 ажлын өдөрт төлсөн данс руу шилжүүлнэ.
6. Таны үүрэг
Зураг өөрийн эсвэл зөвшөөрөл авсан хүний байх ёстой. Хориглох зүйл: хууль бус зураг, скрипт болон хэт олон хүсэлт илгээх, тамга арилгах, тамгатай зургийг албан ёсны зорилгоор ашиглах, хуурамч баримт гаргах. Зөрчвөл хандалтыг хаана.
7. Зураг, мэдээлэл
- Таныг татаж чадаагүй бол илгээхийн тулд зургийг захиалгын кодтой хамт түр хадгална: төлөөгүй бол 24 цаг, төлсөн бол 7 хоногийн дараа автоматаар устна.
- Төлсөн зураг таны утсан дээр 7 хоног хадгалагдана.
- Зургийг зарахгүй, зар сурталчилгаанд болон AI сургахад ашиглахгүй.
- Имэйлээр илгээвэл хаяг зөвхөн тэр илгээлтэд ашиглагдана.
- Мэдээллээ эрт устгуулахыг Messenger-ээр хүсч болно.
8. Хариуцлага
Албан байгууллага зургийг татгалзсанаас гарсан хохирол (виз, нислэг, цаг хугацаа), таны зургийн чанар, төхөөрөмж, банк, интернэтийн саатал зэргийг бид хариуцахгүй. Бидний буруугаас алдаа гарвал төлсөн мөнгөөс (жишээ нь 9,900₮) илүү нөхөн төлөхгүй. Сайт заримдаа түр саатах, засвартай байж болно.
9. Оюуны өмч
Сайтын код, загвар, лого бидэнд хамаарна. Таны зураг таных хэвээр. Төлсөн бүтэн файлаа бичиг баримтандаа чөлөөтэй ашиглаж болно.
10. Өөрчлөлт, хууль
Нөхцөл, үйлчилгээ, үнийг өөрчилж болно. Шинэ нөхцөл нийтлэгдсэнээс хойш хүчинтэй. Маргааныг эхлээд зөвшилцөж шийднэ. Монгол Улсын хууль үйлчилнэ.
11. Холбоо барих
Асуулт, гомдол, төлбөр болон буцаалтын хүсэлтээ сайтын нүүр хуудасны «Холбоо барих» хэсгээр Messenger-ээр илгээнэ үү. Даваа–Баасан 10:00–18:00 цагт хариу өгнө.